ИТХ-ын ээлжит 2 дугаар хуралдаан 2016 оны 12 дугаар сарын 16-ны өглөө эхэлж хуралд 21 төлөөлөгч оролцохоос 19 төлөөлөгч оролцож хурлын ирц 90.5 хувьтайгаар хурлын дарга С.Гонгор нээлээ. Энэ удаагийн ИТХ нь ИТХ-ын хуралдааны дэг, дотоод журмаа шинэчлэн баталж, ИТХ-ын 2016-2020 онд баримтлах бодлогын баримт бичгээ боловсруулан гаргаж сумын  Засаг даргын 2016-2020 оны мөрийн хөтөлбөр, сумын нийгэм эдийн засгийг хөгжүүлэх 2017 оны үндсэн чиглэл, 2017 оны газар зохион байгуулалтын төлөвлөгөө, 2017 оны орлогын төлөвлөгөө, орон нутгийн төсөв, ОНХС-аас хэрэгжүлэх төсөл арга хэмжээний жагсаалтыг батлах зэрэг бодлогын гол гол баримт бичгүүдийг хэлэлцэн баталлаа. Эдгээр баримт бичгүүдийг батлахын зэрэгцээ 2016 оны үндсэн чиглэлийн хэрэгжилт, татварын орлогын төлөвлөгөөний биелэлт, сум хөгжүүлэх сангийн мэдээлэл, ОНХС-ийн хөрөнгөөр 2016 онд хийж хэрэгжүүлсэн ажлын тайлан, БО-ны талаарх тайлан, Аймаг, сумын ИТХ-ын тогтоол шийдвэрийн биелэлтийг хэлэлцэн үнэлэлт дүгнэлт өглөө. ИТХ-ын ээлжит 2 дугаар хуралдаанд төлөөлөгчид идэвхтэй оролцож хуралдаанаар хэлэлцэх асуудлуудаа бүрэн хэлэлцэж 17-ны өглөө үүрийн 5 цагт өндөрлөлөө.