Шинээр сонгогдсон БИНХ-ын Тэргүүлэгчид болон ИТХТ-н өргөтгөсөн хурлыг 2016.11.25-ны өдрийн 12.45 минутад Иргэний танхимд хийлээ. ИТХ-ын дарга С.Гонгор, сумын Засаг дарга Д.Цэдэнсодном, ИТХ-ын ахмад төлөөлөгч, Тэргүүлэгч С.Цэнд нар багийн ИНХ-ын шинэ бүрэлдэхүүнүүдэд баяр хүргэж цаашид хамтран ажиллах талаар харилцан ярилцаж арга туршлагаа хуваалцлаа. ИТХ-ын дарга Гонгор хэлэхдээ... Энэ 4 жил багийн ИНХ-ыг шинэ шатанд гаргах жил, бид арга зүйн дэмжлэг үзүүлнэ. Баг бүр өөрийн онцлогт тохирсон ажлыг хийж хэрэгжүүлэх, багийн сангийн үйл ажиллагааг эрх зүйд нийцүүлэн ард иргэдэд нээлттэй, ил тод, тэдний оролцоотойгоор зохион байгуулах, иргэдээ сонсож оролцоог хангасан, иргэдээ урамшуулсан, тухайн нутагт үйл ажиллагаа явуулж байгаа аж ахуйн нэгжтэй хамтран ажиллах, ахмадуудаа сонсож баг бүр хөгжлийн төлөвлөгөө бодлогоо гаргах. Худагт-Уст цэг, өвөлжилт, хаваржилт дээр анхаарлаа хандуулан тухай бүр саналаа солилцох, малын халдварт өвчнөөс урьдчилан сэргийлэх ажилд мал эмнэлгүүдтэй хамтран ажиллах, тухайн багаас сонгогдсон төлөөлөгчидтэй хамтран, эе эвтэй, санаачлагатай, сумын хөгжил багаас, багийн хөгжил иргэдээс гэсэн зорилготой ажиллаж багт шийдвэрлэвэл зохих ажлыг хуулийн хүрээнд нь шийддэг хэрэгжүүлдэг байхыг санал болголоо. Сумын Засаг дарга Д.Цэдэнсодном хэлэхдээ... Шинээр сонгогдсон багийн Засаг дарга нар болон Тэргүүлэгчдэд ажлын амжилт хүслээ. Ажилтай орлоготой Өлзийт иргэнийг бий болгож ажиллах. Улс төржилт, амин хувийн асуудлыг хойш тавих, олон ургалч үзлээс ярилцаж оновчтой шийдвэрийг гаргадаг байх. Олонхийн шийдвэрийг хүндэтгэдэг, нээлттэй ил тод байх, хөшигний цаадах үйл ажиллагаа ард иргэдийг талцуулж байна. 1 шийдвэрийн дор 1 баг болж ажиллах ёстой. Багийн иргэдийг дэмжих санг бий болгож арвижуулан ажиллах. Гаргаж байгаа шийдвэр иргэдэд эерэг нөлөөлдөг байх. 1-р баг гэхэд нөхөн сэргээлтээс багийн иргэдэд нөлөөлдөг эргэн төлөгдөх хэмжээний хөрөнгийг авч үлдэж арвижуулдаг байх, 2-р баг багийн төвийг зөв оновчтой тогтооход иргэдийн саналыг авахад онцгой анхаарах иргэдийг зах зээлд орлого олох боломжтойг судлан шийдэх. 3-р баг багийн сангүй, багийн төвгүй. Багийн төвийг заавал бариулна. Хаана барихыг бас зөв ойлгуулан байнгын ажиллагаатай боломжтой гарцыг гаргах. Байгаль хамгаалах нөхөрлөлүүдийн үйл ажиллагааг тогтмолжуулах. 5-р баг замтай болох, цахилгаанжуулах, тариалангийн гол бүс нутаг орлого олох боломжтой. 6-р баг жижиг дунд үйлдвэрийг бий болгох, иргэдийн ая тухтай амьдрах, дулааны шугмыг нэмэгдүүлэн орон сууцжуулах, айх аюулгүй амьдрах нөхцлийг  бүрдүүлэхэд багийн ИНХ-ын Тэргүүлэгчид, багийн Засаг дарга нар хамтран санаачлагатай ажиллахыг тодотгон хэлэв. Багт шийдэх асуудлыг шийддэг байх, хуульд заасан эрх үүргийг хэрэгжүүлж ажиллах. Иргэдийн хуралд оролцох идэвхийг өрнүүлэх, зөв гараанаас зөв эхлэх, байнгын холбоотой ажиллана, сэтгэл нэг байна.
Ахмад төлөөлөгч, Тэргүүлэгч С.Цэнд хэлэхдээ ... Гараа сайн бол бариа сайн. МУЗЗНДНТУ тухай хуулийг мөрдөж ажиллах. Багт эрх хэмжээ их байгаа. Үүнийг хэрэгжүүлж ажиллах. Багийн хүн ам зүйн бодлогод анхаарах, хөдөөдөө нутгаа тэлж нутаглах, нутаг усны нэр, өвөлжөө бууцны нэрийг ахмадуудаасаа асууж тодруулж зөв нэрлэж байх. өөрсдийн мэдлэг боловсролоо дээшлүүлэхэд анхаарч нутгийн удирдлага, малчин сэтгүүлийг захиалан уншиж байх. Цөөн тооны ахмадуудаа төрийн одон медальд сайн тодорхойлж байх. Эе эвээ хичээсэн улс төржилтгүй, ил тод нээлттэй байх. Дуудвал дуу нэг дугтарвал хүч нэг байх хэрэгтэй... гэсэн үнэтэй зөвлөмжүүдийг өглөө. Энэхүү өргөтгөсөн хурал харилцан ярилцсан үр дүнтэй арга хэмжээний нэг боллоо гэж ажлын албанаас үнэлж бүгдэд нь ажлын амжилт хүсье.