2016 оны 11 дүгээр сарын 25-ны өдөр ИТХТ-д хуралдаж ИТХ-ын хуралдааны дэг, ИТХ-ын дүрэмд өөрчлөлт оруулж ИТХ-ын хуралдаанаар хэлэлцэхээр, ИТХ-ын ээлжит 2 дугаар хуралдааныг 2016.12.16-ны 10 цагаас Иргэний танхимд ард иргэдэд нээлттэй хуралдуулахаар товлон зарлав. Өмч хамгаалах, үнэ тогтоох комиссын шийдвэрийг хэлэлцэн өвс тэжээлийн үнийг тогтоож, өвс тэжээлийн тооцоог шахаж өр авлагагүй ажиллах, хадлангийн механикжсан салаатай болох, хадлангийн талбайг нэмэгдүүлэх ажлуудыг хийж хэрэгжүүлэхийг сумын Засаг даргад даалгалаа. Уурын зуухтай байгуулсан гэрээнд сум оронд ээлтэй иргэдийн эрх ашгийг хамгаалсан үр дүнтэй ажлуудыг санаачлан хийхийг гэрээнд нэмэлтээр тусган ажиллаж гэрээний хэрэгжилтийг жил бүр тайлагнаж байхыг үүрэг болгон эдийн засгийн бодлогын хороогоор иргэдийн төлөөллийг байлцуулан өөрчлөлт оруулахыг үүрэг болголоо. 2 дугаар багийн малчин Дарамын Пүрэвийг "Улсын сайн малчин"-аар шалгаруулахаар Тэргүүлэгчдийн 100 хувийн саналаар дэмжлээ.