Бурхант 1 дүгээр багийн ИН-ийн хурал 2016 оны 11 дүгээр сарын 20-ны 12 цагт болж 164 иргэн оролцов. Хурлаар багийн Засаг дарга, ИН-ийн хурлын даргын тайланг хэлэлцэн "Хангалттай" гэж үнэлж, өвөлжөө хаваржаа олгох, сум, аймгийн сайн малчин, төрийн одон медальд тодорхойлох зэрэг асуудлыг хэлэлцэн шийдвэрлэв. Багийн ИН-ийн хурлын шинэ Тэргүүлэгчдээр Б.Бүрэнбаяр, Ж.Ганболд, Т.Баасан, Ж.Пагмадулам, Э.Мягмарсүрэн нар, хурлын даргаар Б.Бүрэнбаяр нарыг сонгов. Багийн ИН-ийн хуралд сумын ИТХ-ын дарга С.Гонгор, тус багаас сонгогдсон ахмад төлөөлөгч С.Цэнд, хэсгийн төлөөлөгч А.Алтантогоо, МЭҮТ-н мэргэжилтэн Б.Азжаргал нар оролцож мэдээлэл танилцуулга хийлээ. Багийн Засаг даргад С.Лувсанцэрэн, М.Батболд нар нэр дэвшсэн боловч М.Батболд нэрээ албан ёсоор татаж багийн Засаг даргаар Сангийн Лувсанцэрэн багийн хуралд оролцсон иргэдийн 100 хувийн саналаар улиран сонгогдов. Тэрээр багийн Засаг даргаар олон жил ажилласан маш туршлагатай, багийн иргэдийн итгэлийг хүлээсэн дарга болох нь дахин батлагдлаа.