Тус сумын 3 дугаар багийн ИН-ийн хурал 2016 оны 11 дүгээр сарын 17-ний өдөр багийн төвд боллоо. Хуралд сумын ИТХ-ын дарга С.Гонгор, МЭҮТ-н мэргэжилтэн Б.Азжаргал, хэсгийн төлөөлөгч А.Алтантогоо нар оролцож сумын орон нутгийн болон өвөлжилт, гэмт хэргээс урьдчилан сэргийлэх талаар танилцуулга мэдээлэл хийлээ. Багийн хурлаар багийн Засаг даргын тайлан, багийн ИНХ-ын ажлын тайлангуудыг сонсож санал солилцов. ЖДҮ-н төсөл сонгон шалгаруулах зөвлөлд Ц.Тэрбиш, хяналтын зөвлөлд А.Ганбатыг, аймаг, сумын сайн малчнаар шагнуулах болзол хангасан иргэдийг шалгаруулав. Багийн ИНХ-ын Тэргүүлэгчдийн даргаар Ц.Тэрбиш, Тэргүүлэгчдэд Э.Тэрбиш, Очиржанцан, Г.Энхбат, Ц.Батбаатар нарыг сонгож, багийн Засаг даргад 3 хүн өрсөлдөж 2 удаагийн санал хураалт явагдаж А.Ганбат олонхийн саналаар багийн Засаг даргаар улиран сонгогдов.