ИТХ-ын Тэргүүлэгчдийн хурал 2016 оны 11 дүгээр сарын 07-ний өдөр болж дараах асуудлыг хэлэлцлээ. МАА-н өвөлжилтийн бэлтгэл, орон нутгийн орлогын төлөвлөгөөний биелэлт, гэмт хэргийн өнөөгийн байдал цаашид авч хэрэгжүүлэх арга хэмжээ, байгаль орчны нөхөн сэргээлт, шонхор шувууны гэрээний биелэлт, орон нутгийн тусгай хэрэгцээний газар нутгийн талаарх мэдээллийг сонслоо.
2016-2017 оны өвөл сумын хэмжээнд 541 суурьт 833 малчин өрхөд хонин толгойд шилжүүлснээр 355490 толгой мал өвөлжих, бэлчээрийн хангамж 65,6 хувьтай, даац 86740 толгойгоор хэтэрсэн, сумын нөөцөд 2490 боодол өвс, 805 шуудай хивэг нөөцөлж өгөгдсөн төлөвлөгөөний биелэлт 103.7 хувьтай, малчдын 28,5 хувь нь тэжээл, 68.9 хувь нь өвс, хадлан бэлтгэсэн, 2016 онд малчид бод малын 3, бог малын 10 хашаа хороо шинээр барьж, 35 хашаа хороонд засвар, тохижилт хийж, улсын болон бусад эх үүсвэрээр 3 гүн өрмийн худаг, 2 гар худгийг сэргээн засварласан, 6280 га-д оготно устгалт хийж өрхийн өвөлжилтийн бэлтгэл хангалт 86,4 хувь, сумын өвөлжилтийн бэлтгэл хангалт 85,9 хувьтай, гадны аймаг сумын нутагт 28 өрхийн  9800 малчин өвөлжиж байна. ИТХТ-ээс өвөлжилтийн талаарх мэдээллийг сонсоод ойрын хугацаанд гадны аймаг сумын нутагт байгаа малчин өрхүүдийг эргэх сумын комиссыг батлуулах, бэлчээр ашиглах журмыг шинэлэн оруулж ирэхийг үүрэг болголоо.
Сумын орон нутгийн орлогын төлөвлөгөөний биелэлттэй танилцаж орлогын төлөвлөгөөг биелүүлэхэд татварын байцаагч, газрын даамал, БОХ-ын байцаагч, багийн Засаг дарга нар хамтран ажлаа нэгтгэн ажиллахыг үүрэг болголоо.