Дэлхийн гэр бүлийн өдрөөр сумын ГХУСАЗСЗ-ийн ажлын төлөвлөгөөнд тусгагдсанаар "Гэр бүлийн үнэ цэнэ" чуулганыг 2016 оны 05 дугаар сарын 15-ны өдөр зохион байгуулж 1-6 дугаар багийн залуу гэр бүлийн төлөөлөл болсон 70 өрхийн 140 гэр бүл хамрагдлаа. Чуулганд сумын ИТХ-ын дарга Б.Өлзийбаатар, Засаг дарга Т.Эрдэнэбат нар оролцлоо. Чуулганаар гэр бүлийн хөгжилд саад болж байгаа олон тулгамдсан асуудлыг цогцоор нь авч хэлэлцэн тэдгээрийг шийдвэрлэх арга зам, гарцын талаар мэдээлэл өгч, гэр бүлийн хүчирхийлэл, архидан согтуурахтай тэмцэх тухай, зөрчлийн тухай хууль, сумын дүрэм, иргэний журам үүрэг, харилцаа хандлага, хүүхэд хүмүүжүүлэх эерэг арга, гэр бүлийн аз жаргал, гэр бүлийн баялаг, гэр бүлийн үнэ цэнэ, эрүүл гэр бүлийн үнэ цэнэ сэдвүүдээр өртөөчилсөн сургалтыг явуулж гэр бүлийн хүчирхийлэлийн өнөөгийн нөхцөл байдал, цаашид хэрэгжүүлэх арга хэмжээ сэдвээр хэсгийн төлөөлөгч Б.Мөнх-Учрал, өрх гэр бүл гамшгийг хэрхэн эрсдэлгүй давах арга зүй сэдвээр Тамгын газрын дарга М.Батаа нар мэдээлэл хийлээ. Оролцогч залуу гэр бүлүүдийн дунд "Буухиа сагсан бөмбөг"-ийн тэмцээн, үдшийн цэнгүүнийг зохион байгууллаа. Энэхүү арга хэмжээг явуулахад санхүүгийн дэмжлэг үзүүлж хамтран ажилласан Н.Мөнхзаяа менежертэй Дэлхийн зөн Баянхонгор ОНХХ-1-ийн хамт олон, хүүхэд хамгааллын хамтарсан багийн гишүүдэд ажлын амжилт хүсье. Дэлхийн гэр бүлийн өдрийг Өлзийтийн залуу гэр бүлүүд өргөн дэлгэр сайхан тэмдэглэлээ.