Шинэ зууны илгээлтийн аянд төрийн 8 албан хаагч, ажилгүй 12 иргэн нийт 20 иргэнийг 14 хоногийн хугацаатай малчдын мал төллүүлэх ажилд туслалцуулахаар 03 дугаар сарын 19-өөс 04 дүгээр сарын 04-ний өдрийг хүртэлх хугацаанд ажиллууллаа. Илгээлтийн эзнээр ажилласан иргэд нийтдээ 2500 гаруй ямаа, 1600 гаруй хонь төллүүлсэн ба хонь хариулах, мал услах, хурга, ишиг хөхүүлэх, малд хивэг тэжээл өгөх, аргал түүх зэрэг ажлыг хийж малчиддаа тусаллаа. Төл бойжилт 90-ээс дээш хувьтай байна. Төл хүлээн авах ажилд оролцохын зэрэгцээ 2 иргэн хороо хашааг засаж янзлах ажлыг гүйцэтгэсэн байна.
Шинэ зууны илгээлтийн эздээр ажилласан иргэдийг сумын ИТХ-ын дарга, Засаг даргын орлогч,  МЭҮТ, Тамгын газрын ажилтнууд хүлээн авч уулзалт ярилцлага хийж ажлын талаарх мэдээлэл, цаашид анхаарах асуудлын талаар харилцан ярилцаж улмаар илгээлтийн эздэд сумын ИТХ, ЗДТГ, Залуучуудын холбооны хамтарсан дурсамжийг гардууллаа.