Нүүдэлчдийн соёл иргэншлийг хадгалах, ёс заншлаа дээдлэх, малчин залуучуудын адууг уналга эдэлгээнд хэрэглэх дадлага чадварыг дээшлүүлэх, мал хулгайлах гэмт хэргээс урьдчилан сэргийлэх чиглэлээр хийж гүйцэтгэж буй ажлыг сурталчилах, отроор адуу маллаж буй залуучуудын урам зоригийг сэргээх, Монгол эр хүний адуунд эрэмгий байдлыг харуулах зорилгоор зохион байгуулагдсан говийн бүсийн адуучин тэмцээнийг 2015 оны 11 дүгээр сарын 22-нд Өлзийт сумын нутаг Шийрийн өвөрт амжилттай зохион байгууллаа. Адуучин тэмцээнд Өлзийт, Богд, Жинст, Баацагаан, Цагдаагийн газрын адуучид оролцож хурд хүч, авхаалж самбаагаа сорин уралдсанаас Өлзийт сумын 4 дүгээр багийн малчин Гантулгын Цэдэнсодном тэргүүн байр, дэд байрт 5 дугаар багийн Засаг дарга Цэрэндагвын Хүрэлбаатар, гуравдугаар байрт 2 дугаар багийн малчин Мөнхсуурийн Зундуйжав нар шалгарлаа. Нийтдээ 24 малчин залуу уралдаанд оролцов. Тэмцээнд оролцсон болон түрүүлсэн малчдад УИХ-ын гишүүн, Хууль зүйн байнгын хорооны дарга Д.Ганбат гарын бэлэг гардууллаа. Адуучин тэмцээн болон "Түмэн адууны баяр"-ыг зохион байгуулагчаар сумын ИТХ, ЗДТГ, ГХУСАЗСЗ, Сайн Оюут сургууль, Ирээдүй цэцэрлэг, Эрүүл мэндийн төв, Соёлын төв зэрэг байгууллагуудын удирдлага, ажилчид оролцож зохион байгуулалтын өндөр түвшинд боллоо.