Монгол улсын ардын жүжигчин, төрийн соёрхолт, хөгжмийн зохиолч Сэмбийн Гончигсумлаагийн 100 насны ойн хүрээнд зохион байгуулагдаж байгаа нийтийн дууны уралдааны 1 дүгээр шатны шалгаруулалт өнөөдөр сумын Соёлын төвд боллоо. Уралдаанд 20 ардын авьяастан оролцсоноос соёлын төвийн хөгжмийн багш Ц.Дашдэмбэрэл, Сайн-Оюут ахлах сургуулийн дуу хөгжмийн багш Д.Гандиймаа, Засаг даргын Тамгын газрын нярав Д.Нямсүх нар аймгийн уралдаанд оролцохоор шалгарлаа. Сумд зохион байгуулагдсан уралдаанд манай сумын ахмадууд нэлээд идэвхитэй сайн оролцсоныг дурдахгүй байхын аргагүй. 70 гарчихсан Жавзмаа эгчийн дуулж байгаа ур чадвар өндөр байлаа. Уралдаанд оролцсон ардын авьяастнууддаа урлагийн Янжинлхам бурхан үргэлж мөнхөд ивээж байхын өлзийтэй ерөөлийг өргөн дэвшүүлье.
Сумын ИТХ-ын ажлын алба