ИТХ-ын дарга Б.Өлзийбаатараар ахлуулсан 6 хүний бүрэлдэхүүнтэй ажлын хэсгийнхэн 2 дугаар багт мал хаваржилтын байдалтай танилцах, цаг үеийн ажлын мэдээлэл өгөх ажлаар 2015.03.23-28-ны өдрүүдэд ажиллаа. Ажлын хэсгийн бүрэлдэхүүнд МЭҮТ-н дарга О.Энхболд, Нийгмийн даатгалын байцаагч П.Доржбат, багийн Засаг дарга Д.Мягмарсүрэн, багийн эмч Ц.Амарбаясгалан нар оролцож малчдад төр засгийн бодлого шийдвэрийг танилцуулж, тэдний санал бодлыг сонсон заавар зөвлөмжөөр ханган ажиллав. Тус багийн хувьд бог малын 70 гаран хувь, бод малын 8 орчим хувь төллөж, төлийн болон том малын хорогдол харьцангуй бага байна. 2 дугаар сарын сүүлийн 10 хоногт орсон цас, цочир хүйтрэлтийн улмаас 400 орчим ямаа хээл хаяж, 250 борлон хорогдсон байна. Төллөсөн малын жилбэ харилцан адилгүй, уул, хүрмэндээ сайн, тал хээртээ тааруу байна. Малчдын хувьд өвөлжилтийн бэлтгэлийг сайн хангасан, өвс тэжээл, малын эм, тарианы хангалт сайн байна. Аймгийн ИТХ, Засаг даргын Тамгын газар, залуучуудын холбооноос хэрэгжүүлж байгаа "Шинэ зууны илгээлтийн эзэн" хөтөлбөрт хамрагдсан 3 малчин хуваарилагдсан малчин өрхүүдийн мал аж ахуйд туслан ажиллаж байна.