Сумын ИТХ-ын ээлжит бус 22 дугаар хуралдаан 2020 оны 04 дүгээр сарын 23-ны өдрийн 11 цаг 35 минутад эхлэв. Хуралд 15 төлөөлөгч оролцож ирц 71.42 хувьтай байлаа. ИТХ-ын ээлжит бус хуралдаанаар “Сумаа шинэчлэе” төслийг орон нутагт хэрэгжүүлэх удирдлагын багийг томилуулах санал, 2020 оны газар зохион байгуулалтын төлөвлөгөөнд нэмэлт, өөрчлөлт оруулах, бусад зэрэг асуудлыг хэлэлцэж шийдвэрлэлээ. Сумын төвийн хөгжлийн ерөнхий төлөвлөгөө, “Сумын төвийн шинэчлэл” хөтөлбөрийн хүрээнд улсын төсвөөс 4 тэрбум төгрөгийн төсөвт өртөгтэй бүтээн байгуулалтын ажил хийгдэнэ. Бүтээн байгуулалтын ажлуудаас 771у/м гадна дулааны хос  шугам, /дулааны сувагт/ сувгийн трасс, 1265у/м гадна ус хангамжийн хос шугам, 383у/м гадна ус хангамжийн шугам, 771у/м гадна ус хангамжийн шугам /дулааны сувагт/, 2325у/м ариутгах татуургын шугам тавих зэрэг нь сумын төвийн шинэчлэлийн чухал ажил болж байна. Инженерийн шугам сүлжээ нэмэгдсэнээр дулаан хангамж, цэвэр бохир усны хэрэглээ өсч, энэ хэрэглээг хангахуйц орчин үеийн шаардлагад нийцсэн, ажилчдын эрүүл аюулгүй орчинг бүрдүүлсэн, байгаль орчинд ээлтэй, мэргэжилтэй ажиллах хүчнээр хангагдсан дулаан үйлдвэрлэлийн үйл ажиллагаа эрхлэх аж ахуйн нэгжийг сонгон шалгаруулах шийдвэрийг гаргалаа. Сумын төвийн шинэчлэл хөтөлбөрийг хэрэгжүүлэх удирдлагын багийг сумын Засаг даргаар ахлуулан төсөвт байгууллагын удирдлагууд, ТББ-ын удирдлагууд, иргэдийн төлөөлөл, холбогдох мэргэжилтэнгүүдийг оролцуулсан 21 хүний бүрэлдэхүүнтэйгээр байгуулан уг ажлыг үр дүнтэй зохион байгуулах үүргийг өгч шийдвэр гаргалаа.