Баянхонгор аймаг дахь Цагдаагийн газрын дарга, цагдаагийн хурандаа Ц.Анхбаяр нь сумын ИТХ-ын ээлжит хуралдаанд оролцож байгууллагынхаа 2019 онд хийж гүйцэтгэсэн ажил, үр дүн, амжилт, бүтээн байгуулалтын талаар танилцуулж сум орон нутагтай хамтран ажиллах санал бодлоо солилцож, ИТХ-ын төлөөлөгчдөөс тавьсан асуултад хариуллаа. Тэрээр гэмт хэрэг, зөрчлөөс урьдчилан сэргийлэх ажилд сум орон нутагт үйл ажиллагаа явуулж байгаа төрийн болон төрийн бус байгууллагууд, иргэдийн оролцоо, байгууллага хоорондын хамтын уялдаа холбоо чухал гэдгийг онцлон хэллээ.