Авлига, гэмт хэрэг, зөрчлөөс урьдчилан сэргийлэх талаарх төрийн бодлого шийдвэр, холбогдох хууль тогтоомж, хөтөлбөрүүдийг сурталчлан таниулах, ард иргэд, алба хаагч, ажилтнуудын эрх зүйн боловсрол, мэдлэг, сахилга хариуцлагыг дээшлүүлэх чиглэлээр мэдээлэл, сургалт, сурталчилгаа хийж, хамт олноороо авлигагүй, архигүй, тамхигүй, гэмт хэрэг, зөрчилгүй хамт олон болох хөдөлгөөн өрнүүлж, бүх нийтийн эрх зүйн боловсролыг дээшлүүлэх үндэсний хөтөлбөрийн хүрээнд салбарын болон тухайн байгууллагын чиг үүрэгт хамаарах хууль тогтоомжийг аж ахуйн нэгж, иргэд, олон нийтэд сурталчилах зорилготой “Авлига, гэмт хэрэг зөрчилгүй баг, хамт олон” аянд амжилттай оролцсон С.Лувсанцэрэн даргатай Бурхант 1 дүгээр багийн хамт олон нь Гэмт хэргээс урьдчилан сэргийлэх тухай хуулинд заасан чиг үүргээ амжилттай хэрэгжүүлж сумын ГХУСАЗСЗ-өөс зохион байгуулсан аяны хүрээнд болзол, шалгуур үзүүлэлтийн дагуу олон арга хэмжээг зохион байгуулж 12 иргэнийг хорт зуршлаас татгалзуулсанд талархаж “АВЛИГА, ГЭМТ ХЭРЭГ ЗӨРЧИЛГҮЙ БАГААР”, Б.Баттулга даргатай ИРЭЭДҮЙ цэцэрлэгийн хамт олон нь эцэг эхчүүдийн дунд нөлөөллийн арга хэмжээг олон удаа зохион байгуулж амжилттай ажилласанд талархаж “АВЛИГА, ГЭМТ ХЭРЭГ ЗӨРЧИЛГҮЙ ХАМТ ОЛОН”-оор тус тус шалгаруулж өргөмжлөл мөнгөн шагналаар шагналаа.