2020 оны 01 дүгээр сарын 27-ны өдрийн 16.00 цагаас ГХУСАЗСЗ-н хурлыг ИТХ-ын даргын өрөөнд хийлээ. Хуралд ирвэл зохих 19 хүнээс  ирсэн 12, хурлын ирц  63,16 хувьтай байлаа. Хурлаар 2020 онд хийх ажлын төлөвлөгөөний төслийг хэлэлцэн батлав. 2019 онд гэмт хэрэг зөрчлийн тоо өссөн дүнтэй байгаа нь ГХУС ажилд хүн бүрийн оролцоо чухал байгааг харуулж байна. 2020 онд "Архидан согтуурахтай тэмцэх аян"-г үр дүнтэй зохион байгуулах, аливаа нэгэн баяр ёслол, тэмдэглэлт арга хэмжээг архигүйгээр тэмдэглэх хөдөлгөөнийг өрнүүлэх, иргэдийн дунд хууль эрх зүйн сургалт сурталчилгааг өргөн хэлбэрээр зохион байгуулах, хяналт шалгалтын ажлыг эрчимжүүлэх, мал хулгайлах гэмт хэрэгтэй тэмцэх малчдын бүлэг, малыг гэмт халдлагаас хамгаалах зөвлөлийг шинэчлэн байгуулж ажлыг эрчимжүүлэх чиглэлээр нэлээдгүй асуудлыг төлөвлөн ярилцлаа. Энэхүү арга хэмжээнүүдэд сумд үйл ажиллагаа явуулж байгаа аж ахуйн нэгж, төрийн болон төрийн бус байгууллагууд, иргэдийн үүрэг хариуцлага, оролцоо, санаачлага, хамтын ажиллагаа чухал юмаа.