Хөгжлийн бэрхшээлтэй иргэдийн эрхийг хамгаалах өдрөөр хөгжлийн бэрхшээлтэй иргэдийн талаар төрөөс хэрэгжүүлж буй хөтөлбөр, хууль тогтоомжийн хэрэгжилтийн талаар мэдээллийг нийгмийн бодлогын мэргэжилтэн, хөдөлмөр халамжийн мэргэжилтэн, эрүүл мэндийн сургалт, үзлэг, шинжилгээ, зөвлөгөөг эрүүл мэндийн эмч, мэргэжилтэнгүүд, “Өөрчлөлтийн үндэс” сэдэвт лекцийг “Үүрэгтэй залуус” ТББ-ын залуучуудын төлөөлөл, сум орон нутгийн үйл ажиллагааны талаарх мэдээллийг Засаг даргын орлогч Ц.Дашдэмбэрэл нар хариуцан зохион байгууллаа. Оролцогчдод халуун хоол, цайгаар үйлчилж, витаминаар үйлчиллээ. Үүрэгтэй залуус ТББ-аас 15 иргэнд гарын бэлэг гардууллаа. Хөгжлийн бэрхшээлтэй 100 иргэнийг сумын халуун усаар нэг удаа үнэ төлбөргүй үйлчлүүлэх эрхийн бичиг олголоо. Хөгжлийн бэрхшээлтэй байнгын асаргаанд байдаг хүүхэдтэй  2 эхэд мөнгөн тусламж, байнгын асаргаанд байдаг 4 иргэнд гурил, хөгжлийн бэрхшээлтэй нэг өрхийн хүүхдийг цэцэрлэгт хамруулахад нь ахуйн хэрэглээний эд зүйлийн туслалцаа,  ХБ-тэй 3 өрхөд үнэ төлбөргүй нүүрсийг тус тус олголоо. 

Мөн шатар, даам, шагай шүүргийн тэмцээнийг зохион байгууллаа. Суманд шинээр ашиглалтанд орсон сургуулийн үйл ажиллагаатай танилцууллаа.

Энэхүү арга хэмжээг сумын ЗДТГ, Эрүүл мэндийн төв, Сургууль, сумын ҮЭ-ийн холбоо, Залаа цагаан хоршоо, аймгийн “Үүрэгтэй залуус” ТББ, сумын дэлгүүрүүдийн оролцоо дэмжлэгтэйгээр зохион байгууллаа. Хөгжлийн бэрхшээлтэй 45 иргэн хамрагдаж нийтдээ 500.0 мянган төгрөг зарцууллаа.