Сумын ИТХ-ын Тэргүүлэгчдийн тогтоолоор байгуулагдсан ОНХС-аар хэрэгжүүлж буй хөрөнгө оруулалт, хөтөлбөр төсөл арга хэмжээний төлөвлөлт, санхүүжилт, гүйцэтгэлийн явцад хяналт тавих хяналтын хорооны бүрэлдэхүүн хяналтын хорооны дарга С.Гонгор, гишүүд: Ц.Элбэгбаяр, Р.Эрдэнэбат, Ц.Оюун, Ж.Ганболд, Т.Эрдэнэбат нар 2019 оны 03 дугаар сарын 26-ны өдөр ИТХ-ын даргын өрөөнд 2018 оны ОНХС- ийн хөрөнгөөр хийгдсэн ажлуудыг гүйцэтгэлтэй танилцаж үнэлгээ хийлээ. Гишүүн Ш.Ариунжаргал чөлөө авсан учир оролцсонгүй.

Үнэлгээ хийх жагсаалтыг ИТХ-ын ажлын албанаас гаргаж гишүүдэд танилцууллаа. Хяналтыг санхүүгийн ажилтнуудыг байлцуулан зохион байгууллаа. 

Гишүүдээс гаргасан саналуудыг авч үзэхэд:

1. Орон нутгийн хөгжлийн сангаар хийж гүйцэтгэх ажлыг ард иргэдэд сайн танилцуулж хийгдсэн ажлуудын ашиглалт хамгаалалтыг сайжруулах, орлогод авсан тухайн байгууллага хяналт тавьж, засч сэлбэж ажиллах шаардлагатай нь харагдаж байна. 

2. Цахим хурлын тоног төхөөрөмжийн зурагт эвдэрсэн бүрэн дүүрэн ашиглахгүй байна. Зурагтыг солиулах. 

3 Сумын төвийн гол камер нь ажилладаггүй. Ажиллуулах талаар ЗДТГ, цагдаагийн хэсгийн хариуцсан хүмүүс санаачлагагүй ажиллаж байна. Эргэдэг камерын кабелыг солиулж хурдан хугацаанд ашиглалтанд оруулах.

4. Худгийн цэвэршүүлэх тоног төхөөрөмжийн цаасан шүүлтүүр болон хүлээлгэн өгсөн бодисыг давтамжтай хугацаанд нь сольж байх. Улирал тутамд ундны усыг шинжилгээнд өгч усны чанар аюулгүй байдалд онцгой анхаарч тодорхой хүнд хариуцуулж ажиллуулах.  

5. ОНХС-ийн хөрөнгөөр авсан цахим мэдээллийн сан аймаг шууд авдаг нь дүрэм журмыг зөрчиж байна. Ажлыг гүйцэтгэсэнтухай акт үйлдүүлж, мөн хөрөнгийг орлогод бүртгэж авах. 

6. Хүүхдийн тоглоомын талбай санхүүжилтээ бүрэн авсан боловч сагсны талбайд хийгдэх дутуу ажлууд хийгдээгүй сумын ЗДТГ хийхээр будаг тор зэргийг авч хоцорсон тул 06 дугаар сарын 01-ний дотор хийж гүйцэтгээд сумын ИТХ-ын хяналтын хороонд үзүүлэх. 

6. Захиалагч байгууллага ажил үйчилгээний техникийн тодорхойлолтыг нарийвчлан гаргаж техникийн тодорхойлолтын дагуу хүлээж авах санхүүжилтийг графикийн дагуу олгох хамгийн сүүлийн 20 хувийг бүх ажлыг чанартай гүйцэтгүүлж хүлээж авсны дараа олгодог болох.

7. Аливаа арга хэмжээг журамд нийцсэн байхад анхаарах.

8.Санхүүжилтийн хуваарийг гэрээнд тодорхой зааж өгч түүний дагуу санхүүжүүлэх, явцын хяналтын зардлыг заавал тусгаж хэрэгжүүлэх. Хэрэгжсэн ажил арга хэмжээнд явцын хяналт тавиагүй нь харагдаж байлаа.

9.Техникийн тодорхойлолтыг ажил бүрт гаргаж өгөх. 

10. Бараа бүтээгдэхүүний үнийн судалгааг сайн хийж бодитой болгох. Хэт өндөр үнэтэй ажил үйлчилгээ байна.

11. Гэрээг боловсруулахдаа захиалагч тал санаачилагч байх. Өмнө нь энэ чиглэлээр зөвлөмж өгсөн ч хэрэгжилтийн хангаж ажиллахгүй байна.

12. Ажлын хэсгийн гишүүдийн дүгнэлт хангалтгүй. Хийсвэр, дүгнэлтээр өгсөн үүрэг даалгавараа эргэж дүгнээгүй зөрчил байна. Комиссын гишүүд хувийн дүгнэлтээ хийсэн байхад ажил хүлээлцсэн акт нь тэрнээс 3 өдрийн өмнө үйлдсэн байна. Энэ нь комиссын гишүүд урьдчилан ажиллаагүй байхад ажил хүлээлцэх акт үйлдсэн байна.

13. Хөрөнгийг орлогод авсан нь тодорхой бус байна.

14. Санхүүгийн баримт материал бүрдүүлэлт, архивын нэгж болгосон байдал нь туйлын хангалтгүй, ойлгомжгүй байна. Хийгдсэн ажил бараа материалын танилцуулга, зураг бусад материалыг татан авч хавсаргаж дахин үдэх.

15. Ажлын хэсгийн гишүүдийн дүгнэлт, акт зэрэг баримт бичгүүдэд гарын үсэг дутуу хэн үнэлгээ өгсөн, хэн хянасан нь тодорхой биш байна.

16. Өрсөлдөх боломж олгохгүйгээр шууд гэрээ байгуулах зорилгоор хөрөнгө төсөвлөж буй жишгээ өөрчлөх. Бараа ажил үйлчилгээг чанаржуулах.

17. Орон нутгийн хөгжлийн сангийн хөрөнгөөр хийгдсэн ажлын тайланг багийн иргэдэд танилцуулах, иргэдээс үнэлгээ авах ажил хийгдээгүй байна гэсэн саналуудыг гаргаж сумын Засаг даргад зөвлөмж болгох хүргэхээр тогтлоо.

“Сум хөгжүүлэх сангийн хөрөнгийг бүрдүүлэх, тайлагнах хяналт тавих журам”-ын талаар хэрэгжүүлсэн ажлын талаар:

Журмын дагуу сумын ИТХ-аас хяналтын зөвлөлийн бүрэлдэхүүнийг баталсан бөгөөд гишүүдийн жигд оролцоо хангалтгүй байсаар байна. Иймд бүрэлдэхүүнд өөрчлөлт оруулах асуудлыг Тэргүүлэгчдийн хурлаар авч хэлэлцэхээр төлөвлөж байна. 2018 оны жилийн эцсийн байдлаар 2011-2018 онуудад 99 зээлдэгчид 495643598 төгрөгийн зээлийг олгосоноос бөгөөд 46 зээлдэгчийн 175802440 төгрөгийн зээлийн үлдэгдэлтэй үүнээс хугацаа хоцорсон зээл 76595640 төгрөг, 15 иргэнтэй эврэлрийн гэрээ байгуулсан. Эвлэрлийн гэрээний дагуу зээлээ төлөөгүй 6 зээлдэгчийг ШШГГ-т шилжүүлэн ажилласан байна.

ИТХ-ын ээлжит 15 дугаар хуралдаанаар сум хөгжүүлэх сангийн талаарх тайлан мэдээллийг авч хэлэлцээд сум хөгжүүлэх сангийн зээлийг зориулалт бусаар ашигласан, зээлээ гэрээний хугацаанд төлөөгүй иргэдийн санд төвлөрөх хөрөнгийг яаралтай төвлөрүүлэх, зээлийн ашиглалтыг сайжруулахад онцгой анхаарч ажиллахыг сумын Засаг даргад үүрэг болгож, сум хөгжүүлэх сангаас иргэнд олгох зээлийн дээд хэмжээг 10.0 сая хүртэл, аж ахуйн нэгжид 20.0 сая хүртэл төгрөг байхаар тогтоосон байна.