ИТХ-ын Тэргүүлэгчдийн хурал өнөөдөр боллоо. Уг хурлаар ажлын төлөвлөгөөнд тусгагдсан асуудлуудыг авч хэлэлцэж шийдвэр гаргалаа. Үүнд: Сайн-Оюут ахлах сургуулийн ажлын тайланг хэлэлцэж "Хангалттай" гэсэн үнэлгээ өглөө. Соёлын төвийн зарим үйл ажиллагаа, үйлчилгээний үнэлгээнд өөрчлөлт орууллаа. Мөн "Согтууруулах ундаа худалдах, түүгээр үйлчлэх, зөвшөөрөл олгох, сунгах, түдгэлзүүлэх, хүчингүй болгох журам"-ын хэрэгжилтийг хэлэлцэж сумын төвийн хүнсний бүх дэлгүүрүүдийг камертай болох үүргийг өглөө. Малжуулах журмын хэрэгжилтийг сонсоод хэрэгжих боломжтой журам болсон гэж үзлээ. Жижиг дунд үйлдвэрээс зээл төлөлт, хэрэгжилтэд хяналт тавих ажлын хэсгийн бүрэлдэхүүнд өөрчлөлт орууллаа. ИТХ-ын нээлттэй хаалганы өдрийг тэмдэглэх тухай ярилцаж тогтлоо. Иргэдээс ирүүлсэн өргөдөл хүсэлтийг танилцуулж шийдүүллээ.