Баянхонгор аймаг дахь Цагдаагийн газраас Өлзийт суманд "Иргэн тантай хамт" өдөрлөгийн арга хэмжээг 2018 оны 10 дугаар сарын 09-ний өдөр зохион байгууллаа. Өдөрлөгийн үйл ажиллагаанд сумын нийт ард иргэд, төрийн албан хаагчид, хүүхэд багачууд өргөнөөр хамрагдлаа. Баянхонгор аймаг дахь цагдаагийн газраас хийж хэрэгжүүлж буй ажлын тайлан, ГХУС тухай хууль, Гэр бүлийн хүчирхийллийн тухай хууль, Архидан согтуурахтай тэмцэх тухай хууль, тамхины хяналтын тухай хууль, зөрчлийн тухай хууль, галт зэвсгийн тухай хууль, замын хөдөлгөөний шинэчлэгдсэн дүрмийг иргэдэд сурталчилан сургалт зохион байгуулж иргэдийн санал хүсэлтийг сонслоо. ЕБС-ийн сурагчдын дунд насанд хүрээгүй хүүхдээс үйлдэж буй гэмт хэрэг, түүнээс урьдчилан сэргийлэх чиглэлээр сургалт зохион байгуулж, өсвөрийн цагдаа бүлгэмийг шинэчлэн байгуулж, ажиллах журмыг батлан, хүүхдүүдийн дунд "Алтан хонх" тэмцээн, ард иргэдийн дунд "Уран жолоодлогын тэмцээн", гар бөмбөгийн нөхөрсөг тэмцээн, урлагийн тоглолтыг сонирхуулж шагнал урамшууллыг гардууллаа. Мөн ГХУС чиглэлээр хамтан ажилладаг 2 иргэн, 1 байгууллагыг цагдаагийн газрын талархалаар шагнаж урамшууллаа. Энэхүү арга хэмжээг зохион байгуулсан аймгийн Цагдаагийн газрын хамт олон, сумын ИТХ, ГХУСАЗСЗ, ЗДТГ-ын хамт олондоо ажлын өндөр амжилт хүсэн ерөөе.