ИТХ-ын ээлжит бус 14 дүгээр хуралдаан 2018 оны 10 дугаар сарын 05-ны өдөр боллоо. Хуралд нийт 21 төлөөлөгч оролцохоос 18 төлөөлөгч оролцож хуралдааны ирц 85,7 хувьтай байлаа. Хуралдаанаар 2017 оны төсвийн үлдэгдэл 52534,2 мянган төгрөгийг ерөнхий орлогод 22504.8, ОНХС-д тэжээлийн нөөц бүрдүүлэхэд 7705.9, сум хөгжүүлэх санд 22323,5 мянган төгрөгийн зохицуулалтыг баталлаа. Засаг даргын Тамгын газрын хуучин барилгыг Тамгын газрын бүртгэлд байлгаж 1 жилийн ашиглалтын гэрээ хийж ажиллахыг сумын Засаг даргад үүрэг болголоо. Өвөлжилтийн бэлтгэлийн өнөөгийн байдалтай танилцаж шаардлагатай арга хэмжээг авч ажиллахыг сумын Засаг даргад тэмдэглэлээр үүрэг болгов. Хэсгийн төлөөлөгч Т.Намжилдоржийн ажлын тайлан мэдээллийг сонсож тэмдэглэлээр тодорхой үүргүүдийг өглөө.