Дэлхийн гэр бүлийн өдрийг тэмдэглэх арга хэмжээний ажлын төлөвлөгөө гарган “Гэр бүл- Хүүхдийн хүмүүжлийн анхдагч орчин” сэдэвт эцэг эхийн чуулганыг зорилтот гэр бүлийн хүрээнд ГХУСАЗСЗ, Хүүхэд хамгааллын хамтарсан багаас хамтран зохион байгууллаа. Гэр бүлийн өдрийг угтан цэцэрлэгийн эцэг, эхчүүдийн дунд “Аав, ээж, би” буухиа тэмцээн, сургуулийн ахлах ангийн сурагчдын дунд “Би гэр бүлдээ үүнийг хүсдэг” илтгэлийн уралдааныг явуулж уралдааны тэргүүн байрт орсон сурагч Б.Оюунжаргалын илтгэлийг чуулганд оролцогсдод сонордууллаа. Гэр бүлийн өдрөөр Монгол гэр бүлийн уламжлалт зан заншил , Хүүхэд хүмүүжүүлэх эерэг арга, Гэр бүлийн гишүүдийн эрүүл мэндийн төлөв байдал, Гэр бүл, хүнээр  хүн хийх дэвшил, уламжлал ба орчин үе сэдвээр Ахмадын хорооны дарга О.Доржхүү, Цэцэрлэгийн эрхлэгч Б.Баттулга, их эмч Д.Алтансувд, Насан туршийн боловсролын менежер Б.Өлзийбаатар нар тус тус илтгэл, мэдээлэл хийлээ. Мөн үеэр сургуулийн сурагчдын төлөөлөл эцэг эхчүүдэд зориулан ёслол хүндэтгэлийн илэрхийлэл мэндчилгээ дэвшүүлж, урлагийн тоглолт үзүүллээ. Дээрх зохион байгуулсан арга хэмжээнд нийтдээ 50 гаруй иргэд оролцлоо. Хөдөөний багуудаас ирсэн залуу гэр бүлийн төлөөллийг сумын ИТХ-ын даргын өрөөнд хүлээн авч хүндэтгэл үзүүллээ.