Аймгийн Засаг даргатай байгуулсан үр дүнгийн гэрээний холбогдох заалтыг хэрэгжүүлэх хүүхэд залуучуудад цэрэг, эх оронч хүмүүжил олгох зорилгоор төлөвлөгөө гарган 2018 оны 03 дугаар сарын 18-ны өдөр цэргийн баярыг тэмдэглэн өнгөрүүллээ. Цэргийн баярын нээлтийн арга хэмжээ спорт зааланд хүндэтгэлийн парадаар эхэллээ. Хүндэтгэлийн парадыг бэлтгэл ахлах дэслэгч Ж.Найдандорж командалж, бэлтгэл ахмад Д.Батхуягт илтгэл өглөө. Сумын Засаг дарга цэргийн баярыг нээж үг хэллээ. Цэргийн насны залуучуудын дунд олсонд авирах, АКА бууг задалж, угсрах, гар дээр суниах, хорт утааны баг өмсөх, гар барилдаан зэрэг төрлөөр зохион байгууллаа. Тэмцээнд нийт долоон хүний бүрэлдэхүүнтэй 5 баг оролцсоноос нийлбэр оноогоор Г.Баасанжаргал ахлагчтай Тамгын газрын баг 1-р байр, Дорждэрэм ахлагчтай 6-р багийн залуучуудын баг 2-р байрт шалгарлаа. Тус сумын уугуул цэргийн арслан, асан Цэвэлмаагийн Хайвтогоогийн нэрэмжит цолгүй бөхчүүдийн барилдаан боллоо. Барилдаанд 64 бөх барилдсанаас 2 дугаар багийн харьяат залуу бөх Л.Баянжаргал түрүүлж, 6 дугаар багийн харьяат залуу бөх Б.Дамдинбазар үзүүрлэлээ. Барилдааныг Ц.Хайвтогоогийн үр хүүхдүүд, ах дүү, хамаатан садангийн хүмүүс ивээн тэтгэж хамтран зохион байгууллаа. Мөн буудлагын нээлттэй тэмцээнд 54 хүн оролцсоноос Архангай аймгийн харьяат О.Бямбахүү 19 оноогоор 1-р байр, 6 дугаар багийн харьяат Д.Ганболд 18 оноогоор 2-р байр, 6 дугаар багийн харьяат С.Сандагсүрэн  17 оноогоор 3-р байрт тус тус шалгарлаа. Тус сумын харьяат "Ахмад дайчин Д.Лундаажанцангийн түүх намтарыг судлах нь " сэдэвт эсээ бичлэгийн уралдааныг дунд болон ахлах ангийн сурагчдын дунд зохион байгуулж 1-р байранд 12а ангийн сурагч Л.Лхаасүрэн, 2-р байранд 8б ангийн сурагч Д.Энхтунгалаг, 3-р байранд 12а ангийн сурагч А.Намсрай нар эзэллээ. Цэрэг эх орны сэдэвт гар зургийн уралдааныг 1-5 дугаар ангийн сурагчдын дунд зохион байгуулснаас 5а ангийн сурагч М.Баяндалай 1-р байр, 4б ангийн сурагч Б.Энхзул 2-р байр, 5б ангийн сурагч Б.Алтансүх 3-р байрыг эзэллээ. Мөн "Цэрэг насаа дурсах нь" үдшийн цэнгүүнийг зохион байгуулж тэмцээн уралдаанд тэргүүлсэн иргэдэд шагнал гардууллаа.