Нутгийн өөрөө удирдах ёсыг хөгжүүлэх, архив, албан хэрэг хөтлөлтийн стандартыг хэрэгжүүлэхэд оруулж буй хувь нэмрийг үнэлэн ИТХТ-н нарийн бичгийн дарга Д.Нарантуяаг “Шилдэг төрийн албан хаагч”-аар шалгаруулж "Төрийн албаны Тэргүүний ажилтан" цол тэмдгээр, сумын Засаг даргын мөрийн хөтөлбөрт тусгагдсан ногоон байгууламжийн  талбайг нэмэгдүүлэх зорилтыг хэрэгжүүлэх ажлын хүрээнд мод тарьж улмаар бусад байгууллага, аж ахуйн нэгжүүдэд үлгэр жишээ үзүүлсэн Б.Сарангэрэл эрхлэгчтэй "Шижир ойл" ШТС-ын хамт олныг “Байгальд ээлтэй аж, ахуйн нэгж”- ээр, сумын Засаг даргын мөрийн хөтөлбөрт тусгагдсан ахуйн үйлчилгээний төв барих зорилтыг хэрэгжүүлж иргэдийн ажиллаж амьдрах тав тухтай орчин бүрдүүлэхэд үнэтэй хувь нэмэр оруулсан Ж.Найдандорж даргатай Залаа цагаан хоршоог “Шилдэг бүтээн байгуулагч аж ахуйн нэгж”-ээр, бусдын төлөө өөрийгөө чилээж, залуу өрх гэр бүлийг амьдралын зөв замд хөтлөн оруулахад  сэтгэл зүтгэл гарган ажиллаж байгаа 3 дугаар багийн малчин А.Эрдэнэбилэгийг “Хүмүүнлэг иргэн”-ээр, “Өлзийт загвар”-ын гутлын үйлдвэрлэлийн чанар, нэр төрлийг нэмэгдүүлэхэд шинэ санал санаачилга гарган иргэдийн эрэлт хэрэгцээг хангахад оруулж буй хувь нэмрийг үнэлэн А.Хүрэлчулуун, Ю.Нармандах нарыг оны “Шилдэг өрхийн үйлдвэрлэгч”-ээр, Эрүүл мэндийн байгууллагаас баримталж буй бодлого шийдвэрийг хэрэгжүүлэн  хүүхдийн эрүүл, аюулгүй хөгжих орчинг бүрдүүлэхэд оруулж буй хувь нэмрийг үнэлэн Б.Баттулга эрхлэгчтэй "Ирээдүй" цэцэрлэгийн хамт олныг “Эрүүл мэндийг дэмжигч” байгууллагаар, сурлага, урлаг спортын амжилтаараа  үе тэнгийнхэндээ үлгэр дууриалал болон суралцаж буй 12 дугаар ангийн сурагч Б.Оюунжаргалыг “Шилдэг хүүхэд"-ээр шалгаруулан өргөмжлөв. Ийнхүү оны шилдэгүүдийн шагналыг ИТХ-ын дарга С.Гонгор, Засаг дарга Д.Цэдэнсодном, Засаг даргын орлогч Ц.Дашдэмбэрэл нар гардууллаа.