ГХУСАЗСЗ, хүүхэд хамгааллын баг, Сайн-Оюут сургуулиас "Хүүхдэд тавих хараа хяналтыг сайжруулах ажил"-ын хүрээнд дараах ажлуудыг хамтран хэрэгжүүллээ. 2017 оны 11 дүгээр сарын 16-нд тус сургуулийн  9-12-р ангийн сурагчдыг багш нарын зөвлөлийн хурлаар оруулж, ангийн сурагчдын сурлага хүмүүжлийн байдал, хичээл таслалт, харилцаа хандлагын талаар сурагч нэг бүрээр авч ярилцлаа. Тус хуралд 116 сурагч хамрагдаж, шалтгаангүйгээр олон цагийн хичээл тасалсан 42 сурагчдад анхааруулга өгч, хэрэг төвөгт холбогдож болзошгүй зарим сурагчидтай тусгайлан уулзлаа.
Дотуур байранд 198 сурагч амьдарч байгаа бөгөөд сургуулийн захиргаа, эцэг эх, дотуур байрны сурагчид, байрын зөвлөлийн дөрвөлсөн гэрээнд гэмт хэргээс урьдчилан сэргийлэх талаар тусгаж, 2 удаа гэрээ дүгнэх хурлыг дотуур байрны зөвлөлтэй хамтран хийж, гэмт хэргээс урьдчилан сэргийлэх талаар зөвлөгөө өгсөн.
Дотуур байрны сурагчдын дунд далд хүчирхийллийн талаар асуумж судалгаа авлаа.
Сурагчдын амралтаар хөдөө явах сурагчдыг байрын багш эцэг эхэд нь хүлээлгэн өгөх, зам тээврийн осол, цаг агаарын хүндрэлтэй нөхцөлд хэрхэн сурагчдыг хүргэх талаар эцэг эхчүүдэд мөн заавар зөвлөгөө өгч байна.  
Архи, согтууруулах ундаа хэрэглэж болзошгүй сурагчдын судалгааг цагдаагийн газарт өгч, тэднийг гэмт хэрэг зөрчлөөс урьдчилан сэргийлэх талаар цагдаагийн газартай хамтран ажиллаж байна.
Сурагч хоорондын харилцааны зөрчлийг арилгах, үе тэнгийнхний  дарамтгүй болгох үүднээс нэргүй судалгааг авлаа.
Хөдөөнөөс сумын төвд ах дүү, хамаатнуудтайгаа амьдарч байгаа сурагчдын судалгааг анги бүрээр гаргаж, тэдний эцэг эх, холбогдох хүмүүстэй харилцах дэвтрийг ажиллуулж байна.
Зөрчил гаргасан сурагчдад хууль эрх зүйн зөвлөгөөг цагдаагийн байгууллагуудтай хамтран өгч байна.
Аймгийн Хүүхэд, гэр бүл, залуучуудын газрын мэргэжилтнүүд “Хүүхдийн эрхийн тухай, хүүхэд хамгааллын тухай, гэр бүлийн хүчирхийллийн тухай хуулиар сумын төвийн ард иргэд, сургууль цэцэрлэгийн эцэг эхчүүдийг хамруулсан сургалтыг 2017 оны 11 дүгээр сарын 27-нд зохион байгууллаа.
НҮБ-ын Хүүхдийн эрхийн тухай конвенцийн өдөрт зориулан “Хүүхэд бүр хамгаалуулах эрхтэй” гар зургийн уралдааныг 1-4 дүгээр ангийн сурагчдын дунд, 5-8 дугаар ангийн сурагчдын дунд зохион бичлэгийн уралдаан, 9-12 дугаар ангийн сурагчдын дунд эссэ бичлэгийн уралдааныг зарлан дүнг гаргаж шагнаж урамшууллаа.
“Хүүхдийн эрхийн тухай конвенц”, “Хүүхэд хамгааллын тухай хууль”, “Хүүхдийн эрхийн тухай хууль”-иар танин мэдэхүйн АХА тэмцээнийг бага, дунд, ахлах ангийн сурагчдын дунд зохион байгуулж, “Хүүхэд хүмүүжүүлэх эерэг” арга сургалтыг нийт 69 эцэг эхийг хамруулан 2017 оны 11 дүгээр сарын 28-нд зохион байгууллаа.
Хөгжлийн бэрхшээлтэй иргэдийн эрхийг хамгаалах өдрийг 12 дугаар сарын 04-ний өдөр Тэгш дүүрэн хороо, ГХУСАЗСЗ, Эрүүл мэндийн төв, Сайн-Оюут сургууль, хүүхэд хамгааллын баг хамтран зохион байгууллаа.  Энэхүү арга хэмжээнд 51 иргэн хамрагдлаа. Хөгжлийн бэрхшээлтэй иргэний эрхийг хамгаалах тухай хууль, нийгмийн халамжийн тухай хууль болон орон нутгийн талаар мэдээлэл, танилцуулга, ярилцлага, эрүүл мэндийн сургалт, үзлэг, шагай шүүргийн тэмцээн зэргийг зохион байгууллаа. Мөн байнгын асаргаанд байдаг хөгжлийн бэрхшээлтэй 2 хүүхэд, 6 иргэнд тус бүр 20.0 мянган төгрөгийн мөнгөн тусламж, 30 иргэнд халуун усанд нэг удаа үнэ төлбөргүй үйлчлүүлэх эрхийн бичиг болон оролцсон хүн бүрт гарын бэлэг гардууллаа. Дээрх арга хэмжээг зохион байгуулахад Залаа цагаан хоршоо, Цанчир Баянбулаг нөхөрлөл ивээн тэтгэж нийтдээ  500.0 мянган төгрөг зарцууллаа.
Аймгийн улаан загалмайн нийгэмлэгээс тусламжийн хувцас олгож сургуулийн өсвөрийн улаан загалмайн клубээс “Хайрын зах” хандивын аяныг  байгууллага, сурагчдын дунд зохион байгуулж “Өөрт илүү зүйлээ бусаддаа” гэсэн уриан дор хэрэгцээт зүйлээ хайрын захаас хүүхдүүд үнэ төлбөргүйгээр сонгон авах ажлыг зохион явууллаа.
1-12 дугаар ангийн анги удирдсан багш нар сургуульд суралцаж байгаа хөгжлийн бэрхшээлтэй суралцагчдад тусламж дэмжлэг үзүүллээ.
Эрүүл мэндийн төвөөс “Хүүхдийн эрхийн тухай хууль”-аар 9-12 дугаар ангийн сурагчдын дунд зохион байгуулж өсвөр насны хүүхдүүдийн дунд ХДХВ/ДОХ-ын эсрэг хор уршгийн талаар урьдчилан сэргийлэх үзлэг хийж сургалтанд хамрууллаа.