Сумын хэмжээнд бага насны хүүхдийн эрх, эрх чөлөө, тэдгээрийн амь нас, эрүүл мэнд, өөрийн амьдарч буй орчин тойрондоо эрүүл саруул, сэтгэл хангалуун өсөж торних нөхцөл бололцоог бүрдүүлэх, цэцэрлэгийн багш, сурган хүмүүжүүлэгч болон эцэг эх, асран хамгаалагч, харгалзан дэмжигч нарын хүүхдэд тавих хараа хяналтыг сайжруулах зорилгоор Ирээдүй цэцэрлэг дараах ажлуудыгхийж хэрэгжүүлсэн байна.
    Цэцэрлэгийн эрхлэгч, багш, эцэг эхчүүдтэй байгуулсан гэрээний дагуу гарын үсэг зурсан эцэг, эх, асран хамгаалагчид хүүхдийг өглөө оройд хүлээлгэн өгч, авч байх шаардлагыг хэрэгжүүлж байгаа бөгөөд эцэг эхчүүдэд үр хүүхдээ хамгаалах хуулиар хүлээсэн үүргээ ухамсарлан наад захын анхааруулга сэрэмжлүүлэгүүдийг танилцууллаа. Үүнд:
    -Хүүхдээ танихгүй хүнд үл итгэх, сайн муу хүнийг таних мэдрэмжтэй болгох
    -Үр хүүхдээ өөрийгөө хамгаалах, хэрхэн аюулгүй байх, муу зүйлээс яаж урьдчилан сэргийлэх талаар хандлагатай болгох.
    -Таксинд хүүхдээ ганцааранг нь бүү суулгаж явуул.
    -Хараа хяналтгүй гэрт нь бүү үлдээ.
    -Оройн 19.00 цагаас хойш хүүхдээ гадагшаа бүү гарга.
    -Хүүхэддээ цаг, зав гаргаж, сонсож харилцан ярилцах, анхааруулах арга хэмжээг авч байхыг эцэг эхчүүдэд
    -Хүүхдийнхээ утсан дээр ганцхан товчлуур дараад шууд залгах утасны жагсаалттай болгох.
    -Цагдаа, эмнэлэг рүү хэрхэн залгадагийг мэддэг, хүүхэддээ зааж өгөх.
    -Гэрийнхээ хаяг, эцэг эхийнхээ утасны дугаарыг хүүхэддээ хэлж өгч цээжээр мэддэг болгох.
    -Хүнээс айж жийрхвэл аюулгүй газар руу шууд цугтах, том хүнийг хүндлэх ёстой гэхдээ эвгүй аюултай санагдвал заавал хүндлэх албатай биш гэдгийг хүүхддээ зөв ойлгуулах.
    -Гэртээ ганцаараа байгаагаа хэнд ч бүү мэдэгд
    -Сургууль, гэрлүүгээ явахдаа гэрэлтэй, танил замаар явж бай. Зам товчлох гэж харанхуй мэдэхгүй замаар бүү яв.
    -Танихгүй хүн бариад авбал чанга хашгир, хаз, өшгил, зугтаа. Барьсан тэр хүн юу ч гэж хэлсэн бүү итгэ.
    -Том хүн чамд эвгүй санагдмаар хачин зүйл хэлсэн бол эцэг эхдээ мэдэгдэж байх.
    -Интернетэд орохоосоо өмнө эцэг эхээсээ заавал зөвшөөрөл авч сурах зэрэгийг хүүхдүүддээ зааж сургаж дадал хэвшил болгох талаар сургалтыг явуулж 68 эцэг эхээр танилцсан гарын үсгийг зурууллаа.
    Мөн хүүхдийн аюулгүй сурч хүмүүжих орчинг бүрдүүлэх зорилгоор эрүүл ахуйн өрөөг тохижуулж сайжруулсан.