Нутгийн удирдлагын шинэ тогтолцоо үүсч хөгжсөний 25 жилийн ойн хүрээнд зохион байгуулагдаж байгаа "ИТХ болон ГХУСАЗСЗ"-ийн нээлттэй өдөрлөгийн үеэр зохион байгуулсан сургалтын үр дүнг тооцох, "Гэр бүлийн хүчирхийлэлийн тухай хууль", "Зөрчлийн тухай хууль"-ийн талаарх иргэдийн мэдлэгийг нэмэгдүүлэх, хандлагыг өөрчлөх, хүчирхийллээс урьдчилан сэргийлэхэд төр, иргэд, төрийн бус байгууллага хамтарсан багийн хамтын ажиллагааг дээшлүүлэх зорилгоор "ДЭВЖЭЭ" тэмцээнийг 2017 оны 10 дугаар сарын 13-ны орой зохион байгууллаа. Тэмцээнд Мягмарсүрэн ахлагчтай "Ундран дэвжих бүлэг", Б.Энхцэцэг ахлагчтай "Хайрхан бүлэг", Ч.Мэнд-Амар ахлагчтай Ирээдүй цэцэрлэг, Э.Тогтох ахлагчтай Сайн-Оюут сургууль, Д.Алтансувд ахлагчтай Эрүүл мэндийн төвийн хамт олны төлөөлөл болсон 50 хүний бүрэлдэхүүнтэй багууд авьяас чадвар, оюун ухаанаа уралдуулан өрсөлдөн оролцлоо. Тэмцээнд оролцогч багууд нь гэр бүлийн хүчирхийлэл гэж юуг хэлэх, ямар хэлбэрээр үйлдэгддэг ба түүний хор уршиг, хүчирхийлэлээс урьдчилан сэргийлэх арга зам, хүчирхийлэл үйлдэгчийн хүлээх хариуцлагын талаарх утга санааг илэрхийлсэн багийн мэндчилгээ, гэрийн даалгавар, шүүгчдийн зүгээс гэр бүлийн хүчирхийлэлийн тухай хууль болон зөрчлийн тухай хуулиар бэлтгэсэн асуултаас багаараа буюу ахлагчид мэдлэгээ сорин уралдаж, хүчирхийлэлийг илрүүлэх, хор хөнөөлийг таслан зогсоох чиглэлээр цаашид хэрэгжүүлэх сэдэл, санааг тусгасан ханын самбарыг хийж түүнийгээ тайлбарлан танилцуулах, мөн багуудын хөгжөөн дэмжигчид болон хуулийн сургалтад оролцсон ирцийн бүртгэл зэргийг харгалзан дүгнэж шалгарууллаа. Тэргүүн байрт Э.Тогтох ахлагчтай "Сайн-Оюут" сургуулийн баг, 2 дугаар байрт Мягмарсүрэн ахлагчтай "Ундран дэвжих" бүлэг, 3 дугаар байрт Ч.Мэнд-Амар ахлагчтай "Ирээдүй" цэцэрлэгийн "Stop" баг, тусгай байрт Б.Энхцэцэг ахлагчтай "Хайрхан" бүлгийн "Аз жаргалтай гэр бүл" баг, Д.Алтансувд ахлагчтай "Эрүүл мэндийн төв"-ийн баг орж дурсамж, мөнгөн шагналаар шагнууллаа. Дэвжээ тэмцээний хөтлөгчөөр хамтарсан багийн гишүүн сумын Нийгмийн бодлогын ажилтан Б.Хүрэлбаатар, шүүгчдээр сумын хэсгийн төлөөлөгч Н.Лхагвадорж, соёлын төвийн эрхлэгч Р.Оргилсайхан, ИТХТ-н нарийн бичгийн дарга Д.Нарантуяа нар ажиллалаа. Дэвжээ тэмцээнд авхаалж самбаа, оюун ухаанаа дайчлан, бэлтгэл зохион байгуулалтаар хангаж баг хамт олноо идэвхтэй оролцуулсан байгууллагын удирдлагууд, бүлгийн ахлагчиддаа сумын ИТХ, ГХУСАЗСЗ, Хамтарсан багийн хамт олны зүгээс баяр хүргэж ажлын амжилт хүсье.