Хүннү гүрэн байгуулагдсаны 2226 жил, Их Монгол улсын 811 жил, Ардын хувьсгалын 96 жил, сум байгуулагдсаны 93 жилийн ойн баяр наадмыг 2017 оны 07 дугаар сарын 17-ны өдөр Байн хөндийд зохион байгууллаа. Сумын баяр наадмыг нээж ИТХ-ын дарга С.Гонгор, Засаг дарга Д.Цэдэнсодном нар үг хэлж мэндчилгээ дэвшүүллээ. Баяр наадмыг тохиолдуулан Монгол Улсын Ерөнхийлөгчийн зарлигаар төрийн дээд шагнал "Алтан гадас" одонгоор Тамгын газрын дарга Милийн Батаа, Төрийн сангийн төлөөлөгчөөр олон жил ажилласан 6 дугаар багийн өндөр настан Данхарын Батдулам, "Хөдөлмөрийн хүндэт" медалиар 4 дүгээр багийн малчин Чүлтэмийн Сайдаа, Ирээдүй цэцэрлэгийн багшаар олон жил ажилласан 6 дугаар багийн иргэн өндөр настан Цэрэнпилийн Оюун, Сайн-Оюут сургуулийн бага ангийн багшаар олон жил ажилласан, өндөр настан Жамбын Цэрэндэгд нар шагнагдсаныг ёслол төгөлдөр гардууллаа. Аймгийн ИТХ-ын "Соёрхол" медалиар 2 дугаар багийн малчин өндөр настан Зул, "Хүндэтгэл" шагналаар 2 дугаар багийн малчин Даваацэрэн, Аймгийн тэргүүний ажилтан цол тэмдгээр 6 дугаар багийн өндөр настан Д.Сүрэн нарыг шагналаа. Сумын баяр наадмын нээлтэд аймгийн Хөгжимт драмын театрын дуучин Болортуяа, Өлзийням, Батжаргал, уртын дууч Хорлоо, Сайн-Оюут сургуулийн дуу хөгжмийн багш Д.Гандиймаа, сурагч Б.Бадамдолгор, ардын авьяастан Одхүү, Батдорж, Соёлын төвийн эрхлэгч Р.Оргилсайхан, хөгжмийн багш Э.Дөлгөөнзориг, Соёлын төвийн бүжгийн дугуйлангийн сурагчид ая дууны түрлэг өргөн наадамчин олны сонорыг мялаалаа.
Сурын талбайд ИТХ-ын дарга С.Гонгор, засаг дарга Д.Цэдэнсодном, засаг даргын орлогч Ц.Дашдэмбэрэл, сурын комиссын Б.Азжаргал нар сум тавилаа. Сурын харваанд аймгийн мэргэн 3, сумын мэргэн 3 нийт 18 харваач цэц мэргээ сорьсоноос эрэгтэй харваачдаас Бууцагаан сумын харьяат аймгийн мэргэн Н.Баяртайван, Өвөрхангай аймгийн Нарийн тээл сумын харьяат аймгийн мэргэн Т.Батэрдэнэ, Жаргалант сумын харьяат Номгон ахлах сургуулийн харваач Г.Ууганбаяр нар  эхний гурван байр, эмэгтэй харваачдаас Баян-Овоо сумын харьяат Номгон ахлах сургуулийн харваач аймгийн мэргэн С.Ариунтуяа, Баянхонгор сумын харваач Ж.Хашбилэг, Эрдэнэцогт сумын харьяат М.Мөнгөнцэцэг нар эхний гурван байр, хүүхдийн харваанд Заг сумын харьяат сурагч А.Пүрэвжав, Эрдэнэцогт сумын харьяат М.Түвшинтогтох, Баянбулаг сумын харьяат Б.Уранчимэг нар эхний гурван байрт шалгарлаа.
Их насны морьдын уралдаанд 37 морь бүртгүүлсэнээс түрүү магнайд Заг сумын харьяат аймгийн алдарт уяач Д.Батсайханы буурал, аман хүзүүнд 2-р багийн харьяат Т.Дорждэрэмийн хээр, айргийн 3-т аймгийн алдарт уяач 4-р багийн харьяат Б.Амарбаярын хүрэн, айргийн 4-т аймгийн алдарт уяач 2-р багийн харьяат Д.Батбаярын хул, айргийн 5-т Жинст сумын харьяат сумын алдарт уяач С.Түвшингийн шаазгай хурдалж наадамчин олноо баясгалаа. Азарганы уралдаанд 28 хурдан азарга уралдсанаас түрүү магнайд аймгийн алдарт уяач 4-р багийн харьяат М.Гантулгын буурал, аман хүзүүнд аймгийн алдарт уяач 2-р багийн харьяат Б.Бат-Олдохын зээрд, айргийн 3-т Баянцагаан сумын харьяат З.Жаргалбатын хээр, айргийн 4-т 4-р багийн харьяат Т.Бат-Эрдэнийн зээрд, айргийн 5-т сумын алдарт уяач 4-р багийн харьяат Р.Батцэнгэлийн хээр, Хязаалан насны морьдын уралдаанд 30 хурдан хүлэг уралдсанаас түрүү магнайд 3-р багийн харьяат Батзоригийн хар, аман хүзүүнд Жинст сумын харьяат Б.Нармандахын бор, айргийн 3-т аймгийн алдарт уяач 2-р багийн харьяат Д.Отгонбаярын хонгор, айргийн 4-т Өвөрхангай аймгийн Хайрхандулаан сумын харьяат Н.Баярмагнайгийн хүрэн , айргийн 5-т Өвөрхангай аймгийн Нарийн тээл сумын харьяат Д.Баяраагийн сартай хүрэн, Соёолон насны морьдын уралдаанд 27 соёолон бүртгэгдсэнээс 1-р багийн харьяат Н.Бандийн буурал түрүү магнайд хурдалж аман хүзүүнд Жинст сумын харьяат сумын алдарт уяач Л.Болдбаатарын хээр, айргийн 3-т аймгийн алдарт уяач 4-р багийн харьяат М.Гантулгын сартай бор, айргийн 4-т аймгийн алдарт уяач 2-р багийн харьяат Д.Отгонбаярын хонгор, айргийн 5-т аймгийн алдарт уяач 4-р багийн харьяат Б.Бямбацогтын бор халзан, Шүдлэнгийн уралдаанд 38 хүлэг уралдсанаас Жинст сумын харьяат сумын алдарт уяач С.Түвшингийн хонгор халзан түрүүлж, аман хүзүүнд Жинст сумын харьяат сумын алдарт уяач Л.Болдбаатарын хээр, айргийн 3-т Баянхонгор сумын харьяат М.Бархасын хээр, айргийн 4-т Богд сумын харьяат Ж.Алтанхуягийн шарга , айргийн 5-т 2-р багийн харьяат М.Зундуйжавын халтар, дааганы уралдаанд 27 даага бүртгүүсэнээс түрүү магнайд Өвөрхангай аймгийн Нарийн тээл сумын харьяат Б.Ганзоригийн халиун, аман хүзүүнд Баянговь сумын харьяат С.Хүрэлбаатарын хээр, айргийн 3-т Богд сумын харьяат Б.Энхтүвшингийн хонгор, айргийн 4-т аймгийн алдарт уяач Б.Бат-Олдохын зээрд, айргийн 5-т Баацагаан сумын харьяат аймгийн алдарт уяач Э.Сандагдоржийн зээрд тус тус түрүүлж айрагдлаа. ХААН банкны нэрэмжит Дэмбээ тэмцээнд 23 дэмбээчин орлцсоноос эхний 3 байрт Т.Ням, Д.Цэнгэл, Б.Заяа, эмэгтэй дэмбээчдийн  төрөлд Ч.Мөнхтунгалаг, С.Мягмарсүрэн, Н.Оюунсүрэн нар эхний 3 байранд шалгарлаа.