“Хүүхдэд ээлтэй орон нутаг” сэдэвт хүүхдийн чуулганыг  4 дэхь жилдээ  2017 оны 05 дугаар сарын 26-ны өдөр зохион байгууллаа. Энэхүү арга хэмжээнд  5-11 дүгээр ангийн 90 хүүхэд оролцлоо. Чуулганаар Хүүхэд хамгааллын болон хүүхдийн эрхийн тухай хууль, Хүүхдийн эрх, үүрэг сургалт, “Мөрөөдөхөд мөнгө төлдөг” лекц, Хүүхдийн өмнө тулгамдаж буй асуудлаар хэлэлцүүлэг,  2016 онд хүүхдийн чуулганаас гарсан уриалгын хэрэгжилтийг хэлэлцэх, бинго азтан шалгаруулах, сурагчдын зөвлөлийг шинэчлэх зэрэг арга хэмжээнүүдийг зохион байгууллаа.
Сургалт мэдээллийг Хүүхэд хамгааллын хамтарсан багийн гишүүд болох сургуулийн Нийгмийн ажилтан Э.Тогтох, Дэлхийн зөн ОУБ-ын орон нутаг хариуцсан ажилтан Д.Насанбаяр, сургуулийн Соёл, хүмүүжлийн ажилтан Х.Пүрэвбаатар, Нийгмийн хөгжлийн ажилтан Б.Хүрэлбаатар нар хариуцан явууллаа.
Сурагчдын зөвлөлийг 11 хүүхдийн бүрэлдэхүүнтэй байгуулж улмаар 18 хүүхэд нэр дэвшиж олонхийн саналаар анги бүрийн төлөөллийг харгалзан Э.Бямбагарав, Ө.Дэлгэрцэцэг, Ч.Баасан, Ц.Саруулцэцэг, Б.Ганчулуун, Т.Бадамдолгор, Б.Батсүх, Э.Цэрэнтогтох, Б.Билгүүн, Б.Бадамдолгор, А. Өнөрзул нарыг сонгосон ба сурагчдын зөвлөлийн даргаар 11 дүгээр ангийн сурагч Э.Бямбагаравыг сонголоо.
Чуулганд оролцсон хүүхдүүд 6 бүлэгт хуваагдан Хүнсний аюулгүй байдал, Байгаль орчин, Эрүүл мэнд, Сургалтын орчин, Амар тайван аюулгүй орчин, Хүүхдийн хөгжил оролцоо сэдвийн хүрээнд бүлгээр ажиллаж санал дүгнэлтээ гаргаж хэлэлцүүллээ. Чуулганаар дээрх сэдвийн хүрээнд хүүхдээс гарсан санал дүгнэлтийг нэгтгэн Хүүхдийн төлөө зөвлөлийн хурлаар хэлэлцүүлэх ажлыг Нийгмийн хөгжлийн ажилтан Б.Хүрэлбаатар,  сургуулийн Нийгмийн ажилтан Э.Тогтох нар хариуцахаар шийдвэрлэлээ.