Аймгийн Прокурорын газраас гэмт хэргээс урьдчилан сэргийлэх хууль тогтоомжийн хэрэгжилтийг хангуулах, энэ чиглэлийн ажилд иргэдийн оролцоог нэмэгдүүлэх, тухайн нутаг дэвсгэрт гарч буй гэмт хэрэг зөрчлийг бууруулах, гэмт хэрэг гарч буй шалтгаан нөхцлийг арилгуулах, сумын ГХУСАЗСЗ-н ажлыг шалгах зорилготой "Гэмт хэргээс урьдчилан сэргийлэх нь иргэн бүрийн үүрэг мөн" сэдэвт өдөрлөг 2017 оны 05 дугаар сарын 25-ны өдөр тус сумд боллоо. Энэхүү арга хэмжээнд баг, байгууллагын 84 иргэн оролцож прокурорын байгууллагаас хийсэн сургалтад хамрагдлаа. Сургалтын дараагаар АХА тэмцээнийг явуулж 6 дугаар багийн "Хайрхан" бүлгийн иргэн В.Эрдэнэцэцэг тэргүүлж өргөмжлөл мөнгөн шагналаар шагнагдлаа. Аймгийн прокурор, хууль цаазын итгэмжит зөвлөх Ж.Уранцэцэг иргэд, хөдөлмөрчдөд хууль эрх зүй болон Прокурорын байгууллагын үйл ажиллагааны талаар мэдээлэл өгч, өргөдөл, гомдол хүлээн авч, сумын ГХУСАЗСЗ-н ажилтай танилцаж заавар зөвлөгөө өглөө.