Олон Улсын дэлхийн гэр бүлийн өдрийг тохиолдуулан гэр бүлийн чуулганыг 7 дахь жилдээ сумын Нийгмийн түншлэлийн баг, ГХУСАЗЗ, Дэлхийн зөн ОУБ-тай хамтран зохион байгууллаа. Энэхүү арга хэмжээнд 47 гэр бүлийн 94 хосууд оролцлоо. Гэр бүлүүдийг чадавхжуулах улмаар хүүхэд хамгаалал гэр бүлийн гишүүдийн харилцааны талаар тогтсон уламжлалт хандлагыг өөрчлөх “Амар амгалан гэр бүлийг” төлөвшүүлэх зорилгоор өртөөчилсөн сургалтыг “Гэр бүлийн хүчирхийлийн тухай хууль”, “Гэр бүлийн гишүүдийн харилцаа, хандлага”, “Гэр бүлийн эрүүл мэнд, амьдралд нөлөөлөх нь”, “Эрэгтэй эмэгтэй хүмүүсийн ялгаа, хандлага өөрчлөлт”, “Боловсролтой иргэн-гэр бүлийн үнэ цэнэ”, “Хүүхэд хүмүүжүүлэх эерэг хандлага”, “Хүүхэд хамгааллын тухай хууль” зэрэг сэдвүүдээр хэсгийн төлөөлөгч А.Алтантогоо, сургуулийн соёл хүмүүжлийн ажилтан Х.Пүрэвбаатар, ЭМТ-ийн нийгмийн  ажилтан Ү.Баттулга, Дэлхийн зөнгийн ажилтан Д.Насанбаяр, Насан туршийн боловсрол төвийн менежер Б.Өлзийбаатар, сургуулийн нийгмийн ажилтан Э.Тогтох нар сургалтыг зохион байгууллаа. Мөн баг тус бүрээс оролцож буй гэр бүлүүдийн дунд олс таталтын тэмцээн, гэр бүлүүдийн ая дууны мэндчилгээ, гэр бүлийн дурсгалын зураг авах, үдшийн цэнгүүн зэргийг үйл ажиллагааг зохион байгууллаа. Тэмцээнд оролцсон байдлаар дүгнэхэд 1 дүгээр байрыг Г.Нямдаваа даргатай 6 дугаар баг,  2 дугаар байранд А.Ганбат даргатай 3 дугаар баг, 3 дугаар байранд Д.Мягмарсүрэн даргатай 2 дугаар багууд эзэллээ. Ийнхүү гэр бүлийн өдрийг Өлзийтчүүд өргөн дэлгэр сайхан тэмдэглэлээ.