2017 оны 05 дугаар сарын 01-ний өдөр Бурхант 1 дүгээр багийн Иргэдийн Нийтийн Хурал багийн төвд болж хуралд багийн иргэдийн төлөөлөл болсон 62 иргэн оролцож дараах асуудлуудыг хэлэлцэж шийдвэрлэлээ.
Багийн Засаг даргын 2017 оны эхний хагас жилийн ажлын тайлан
Эвдэрсэн газарт нөхөн сэргээлт хийлгэх
Шинээр гаргах гүн өрмийн худгийг барих газрыг товлох
Малжуулах төсөл “Өлзийт торгон сүрэг”-ийн мал цуглуулах тухай
Нутаг бэлчээр чөлөөлөх тухай
Бусад асуудал /Өвөлжөө, хаваржаа  шинээр эзэмшүүлэх, ОНХС-ийн хөрөнгөөр 2018 онд хийх ажлын жагсаалтыг эрэмбэлэх/
Багийн хуралд сумын ИТХ-ын дарга С.Гонгор, сумын Засаг дарга Д.Цэдэнсодном, тус багаас сонгогдсон ИТХ-ын төлөөлөгч С.Цэнд, С.Лувсанцэрэн, Ж.Ганболд, МЭҮТ-н дарга О.Энхболд, Мал эмнэлгийн Түйн дэлгэрэх хоршооны дарга, төлөөлөгч А.Мягмар нар оролцож сум орон нутаг, малын халдварт өвчнөөс урьдчилан сэргийлэх талаарх мэдээллийг хийлээ. Багийн хурлын үеэр Эрүүл мэндийн төвөөс "Эрчүүдийн үзлэг" хийж багийн иргэдэд эрүүл мэндийн анхан шатны тусламжийг үзүүллээ.