Ирээдүй цэцэрлэгийн хамт олон 2017 оны 04 дүгээр сарын 19-ний өдөр “Бидний нэг өдөр“ сэдэвт өдөрлөгийг  зохион байгууллаа. "Сургах тоглоомоор хүүхдийг хөгжүүлэх арга зүй"-д тулгуурлан 5 настай хүүхдийн хөгжлийн түвшинг тогтоож, үр дүнг тооцох энэхүү арга хэмжээнд бэлтгэл бүлгийн бүх эцэг эхчүүд, багш нар, хүүхдүүд оролцлоо. Өдөрлөгийн үеэр "Зориуд зохион байгуулах үйл ажиллагааны цаг"-аар математикийн энгийн төсөөлөл  “Хөгжилтэй тоонууд” дүрсэн тоглоомоор 1-10 хүртэл  цифр бүтээж тоглох, бэлтгэл бүлгийн эцэг эхчүүдийн дунд “Алтан хонх” танин мэдэхүйн асуулт хариултын тэмцээн явуулах, дүрслэн урлах чиглэлээр “Хүүхдийн ертөнц“ бүтээлийн үзэсгэлэнг гаргаж, хөгжмийн чиглэлээр хүүхдийн тайлан тоглолт хийх зэрэг үйл ажиллагааг зохион байгууллаа.
    Хөгжөөн баясгах цагийн үйл ажиллагаанд Засаг даргын Тамгын газрын нийгмийн хөгжлийн ажилтан Б.Хүрэлбаатар, Сайн-Оюут сургуулийн бага ангийн сургалтын менежер С.Нармандах, 5 дугаар ангийн багш Пүрэвжаргал нар оролцлоо.
    Бэлтгэл бүлгийн хүүхдүүд таягт хүүхэлдэйгээр Монгол ардын үлгэр “Долоон өндөгтэй доголон шаазгай “үлгэрээр дүрийн тоглолт хийж сонирхууллаа. Ийнхүү Ирээдүй цэцэрлэгт хүүхдүүдийн дуу цангинасан, эцэг эхчүүд оролцсон өдөрлөгийн үйл ажиллагаа өргөн дэлгэр сайхан боллоо.